Palatamizning yetakchi xodimlari Fargʻona viloyatidagi huquq egalariga palataning maqsad va vazifalari haqida tushuntirish hamda targʻibot ishlarini amalga oshirish uchun tashrif buyurishdi. Palatamizning boshqaruv raisi, yuridik fanlari doktori, professor Boboqul Toshev Fargʻona viloyatidagi koʻplab huquq egalariga palataning faoliyati, maqsad va vazifalari haqida tushuntirish va targʻibot ishlarini olib bordi. Yigʻilishda palataning ijrochi direktori Baxtiyor Usmanov huquq egalariga mualliflik huquqini qanday himoya qilishni, bu soxa haqida jamiyat vakillari yetarlicha ma’lumot va koʻnikmaga ega emasligi hamda mualliflik huquqlarining barcha turlarini qonuniy himoya qilish shartligini ta’kidlab oʻtdi. Yigʻilish soʻngida huquq egalari palatamiz bilan shartnoma imzolab, mualliflik huquqlarining qonuniy himoyasi uchun qadam qoʻydilar.