Joriy yilning 22 iyul kuni Boku shahrida (Ozarbayjon) Sharqiy Yevropa, Kavkaz va Markaziy Osiyo mamlakatlari mualliflarining mulkiy huquqlarini jamoaviy boshqaruvchi jamiyatlarining navbatdagi ikkinchi yig‘ilishi bo’lib o’tdi.

Yig’ilishdan ko‘zlangan asosiy maqsad kelgusida tashkilotlararo samarali hamkorlikni yo‘lga qo‘yish, mualliflar va ijrochilar huquqlarini boshqarish bo‘yicha o‘zaro ikki tomonlama shartnomalar imzolashdan iborat.

Yig’ilish doirasida “San’atkor, ijodkor va ijrochilarning mualliflik huquqlarini himoya qilish palatasi” (“SIIP”, O‘zbekiston Respublikasi) hamda “Mualliflik huquqi” milliy assotsiatsiyasi” (ANCO, Moldova Respublikasi) va Fonogramma ishlab chiqaruvchilar va ijrochilar мilliy assotsiatsiya o‘rtasida (“ANPFI”, Moldova Respublikasi) huquqlarni o’zaro birgalikda muhofaza qilish to’g’risida shartnomalar tuzildi.

ANCO bosh direktori Oleg Gutyum taʼkidlaganidek: “Bizning maqsadimiz mualliflik huquqi va turdosh huquqlarni himoya qilish sohasida oʻzaro manfaatli hamkorlikni yoʻlga qoʻyishdir. Hozir O‘zbekistonda mualliflar huquqlarini himoya qilishni kuchaytirish bo‘yicha barcha chora-tadbirlar ko‘rilayotganini ko‘rib turibmiz. Onlayn va oflayn rejimda bir nechta uchrashuvlar o'tkazib, biz SIIP ishonchli hamkor ekanligiga amin bo'ldik. Biz SIIP vakillari bilan ochiq va samarali hamkorlik qilishga hamda respublikalarimizda bir-birimizning manfaatlarimizni ifoda etibgina qolmay, balki huquqiy yordam ko‘rsatishga, tajriba almashishga tayyormiz”.

“ANCO” va “ANPFI” vakillari bilan tuzilgan ikki tomonlama shartnomalar SIIPga Moldovadan kelgan fonogrammalar mualliflari, ijrochilari va ishlab chiqaruvchilarining manfaatlarini O‘zbekiston Respublikasi hududida himoya qilish huquqini beradi. Va aksincha, Moldova jamiyatlari vakillari - o'z hududida o'zbek mualliflari va ijrochilarining manfaatlarini himoya qilish huquqini beradi. Bundan tashqari, tuzilgan shartnomalar mualliflik huquqi va turdosh huquqlarni himoya qilish bo‘yicha ta’lim va kommunikatsiya sohalarida hamkorlikni yo‘lga qo‘yish, tajriba almashish va qonunchilikni yanada rivojlantirishga xizmat qiladi.

“Mualliflik huquqi inson huquqlarining ajralmas qismidir. O‘zbekiston Respublikasining JSTga kirish nuqtalaridan biri intellektual mulk huquqlariga, jumladan, mualliflik huquqi va turdosh huquqlarga rioya qilish ekanligini hamma yaxshi biladi, dedi SIIP raisi Boboqul Toshev.

– Bugun mualliflar huquqlarini jamoaviy boshqarish bo‘yicha xorijiy jamiyatlar bilan hamkorlikni yo‘lga qo‘yish orqali biz O‘zbekiston to‘g‘ri yo‘ldan borayotganini isbotlayapmiz. Bizda mustahkam qonunchilik bazasi mavjud, Palatamiz mualliflik haqini undirish va taqsimlash bo‘yicha barcha vakolatlarga ega, huquqshunoslarimiz muallif va ijrochilarga ularning huquqlarini himoya qilish, sudda ularning manfaatlarini himoya qilish bo‘yicha doimiy ravishda maslahatlar beradi. Bugungi kunga qadar biz mualliflarga ularning huquqlari yaxshi himoyalanganligini ko‘rsatish uchun bir necha sud ishlarini qo‘zg‘atdik. O‘zbekistonning mualliflik huquqini himoya qilish sohasidagi mavqeini kundan-kunga mustahkamlab borayotganini ko‘rsatish. Moldova Respublikasi jamiyatlari bilan tuzilgan shartnomalar bizga faol pozitsiyani egallashimizga yordam beradi va xorijiy mualliflarning huquqlarini himoya qilishga imkon beradi”.