2024-yil 10-11-dekabr kunlari Budapesht shahrida (Vengriya) San’atkor, ijodkor va ijrochilarning mualliflik huquqlarini himoya qilish palatasi vakillari CISAC tomonidan tashkil etilgan “Markaziy va Sharqiy Yevropada televidenie va raqamli litsenziyalash muammolari” yillik seminarida va audiovizual jamiyatlarni rivojlantirish bo‘yicha seminarda ishtirok etishdi. Mazkur tadbirlarda ishtirok etish mualliflar huquqlarini himoya qilish, ijodiy sohani targ‘ib qilish va rivojlantirishda muhim ahamiyatga ega.

Seminar doirasida mualliflik huquqini himoya qilishning so‘nggi rivojlanishlari bilan tanishish, xalqaro ekspert va mutaxassislar bilan tajriba almashish va litsenziyalashning dolzarb masalalarini muhokama qilish uchun qulay imkoniyat yaratdi. Shuningdek, televidenie va radioeshittirishlar doirasida jamoatchilik bilan muloqotga doir bo‘lib o‘tgan keyingi sud ishlari muhokama qilindi.

Seminar bilimlarni kengaytirish, tajriba almashish va mulkiy huquqlarni boshqarish va hamkorlikda yangi vositalarni joriy etishda rivojlanayotgan jamiyatlarga ko‘mak bo‘ladi.

        Bunday hamkorlik dunyo bo‘ylab xalqaro aloqalarni mustahkamlashga va raqamli davrda mualliflar manfaatlarini himoya qilish uchun qulay maydon yaratishga yordam beradi.